除咗自動繳費嘅「車輛貼」以外，原來都仲有「車種貼」可以選擇？！今日就教大家區分兩者嘅分別。
 
運輸署為咗配合唔同駕駛人士嘅需要，車主亦可選用「車種貼」。「車種貼」按車輛種類分類並設有儲值繳費功能，目前有9類。 
車主可以前往「易通行」客戶服務中心、服務點購買「車種貼」。購買「車種貼」時會附帶一張戶口卡*，駕駛人士可憑此卡啟動「車種貼」、增值及查詢交易記錄。 

🔺車主請保留車種貼戶口卡。若日後要注銷車種貼並取回結餘，必須出示並退回戶口卡。 
 
而根據目前運輸署公佈，「車種貼」同「車輛貼」就有三處不同嘅地方❓ 
1️⃣ 「車種貼」唔係經由提交申請取得，而係向運輸署服務銷售點購買。 

2️⃣ 「車種貼」唔係指向專屬申請車主嘅汽車，而係按車輛類別嚟分類，例如私家車同中型貨車會有唔同嘅「車種貼」。 

3️⃣ 「車輛貼」係綁定信用卡等自動繳費工具，但係「車種貼」就不同，係會經由儲值賬戶扣錢。
 

🔸「車種貼」可以喺隧道費服務商全港各區指定客戶服務中心、客戶服務點購買，及自動售賣機 (黃大仙雙鳳街多層停車場、筲箕灣多層停車場、荃灣多層停車場和大埔超級城)購買。 
🔸 使用「車種貼」前，請預先透過「易通行」網站或流動應用程式啟動「車種貼」。 
🔸 車主們可到客戶服務中心、服務點或7-11便利店增值*，請確保車種貼有足夠結餘以繳交隧道費，並及時增值，車主們可登入易通行戶口查閱使用隧道及繳費記錄。 

🔺請注意，「網上付款」方式增值或自動增值不適用於「車種貼」。 
 
完成以上步驟後，最後當然要將「車種貼」或「車輛貼」貼喺車輛上嘅指定位置，咁就大功告成架啦！