【🅿 牌車主教學| DIY洗車小貼士】

香港車多空氣差，加上不時驟雨，愛驅只要喺路面行走或停泊一個星期，車身就會出現薄薄嘅灰塵，如果沾上雨水、鳥雀糞便等污染物，仲有機會侵蝕車漆。所以鍾意自己洗車嘅車主，一般都會定期洗車，不過有啲細節就要特別留意，唔小心反而會得不償失❗

💡避免猛烈太陽下洗車

喺高溫下噴灑清水，冷縮熱漲反應有機會破壞車漆，建議可以喺清晨、黃昏、晚間或室內地方洗車。

💡由上至下沖洗

唔少車主誤以為淋水就可以沖走灰塵，其實正確嘅洗車步驟，應該先用較细水流，由上至下沖洗，盡量將大粒沙塵沖走。擦洗車身同樣先由車頂開始，避免汽車下身大粒沙塵帶到全車而刮花車身。

💡清洗車鈴

建議使用車鈴專用清潔劑，幫助清除剎車皮粉末。只要用清水過水，再用吸水布抺乾就可以。要注意揸車後唔好立即清洗。因爲呢個時候剎車碟仍然係高溫狀態，一旦馬上接觸水份或清潔劑，有機會令剎車碟變形。

🗒溫馨提示

切勿係公眾地方洗車及將洗車水倒入雨水渠，因為相關行為有機會被檢控。