相信唔少養車人士都聽過 #5油3水，但係你又知唔知係邊5油同邊3水呢？正確保養愛車，有助延長佢地嘅壽命，咁就可以無憂享受每次駕駛旅程！

👉🏻5油

🛢 汽油：第一樣相信大家都估到嘅就係汽車燃油，呢度小編都有個小 tips就係避免油箱到底先入油；油量太低會令感應器過熱，亦有機會令油泵出現問題。不過一般喺香港油站入得嘅都係高規格汽油，出問題機會較少，最緊要唔好入錯電油或柴油。😁

🛢 軚盤油：轉向時為系統提供液壓、冷卻同埋潤滑功能。

🛢 偈油：於引擎內為各金屬零件作潤滑、冷卻、清潔、密封縫隙及防鏽。

🛢 波箱油：潤滑波箱零件、散熱及傳遞能量。

🛢 煞車油：傳遞煞車力量嘅媒介，因為經常處於高溫及吸入水份，均會影響剎車效能，所以建議每隔兩年或40,000公里更換。

👉🏻3水

💧 水箱水：冷卻引擎及防止生繡結凍；一般每隔兩年或40,000公里更換一次。新舊冷卻劑混合後使用可能會傷害引擎，建議由專業人員進行更換。

💧 水撥水：主要功能係清潔擋風玻璃，仲有潤滑、防霧同抗靜電等功能。

💧 電池水：又稱電解液，用作延長電池壽命。當電池內嘅電池水不足，就會影響電解能力，影響車輛充電及放電。建議每隔兩年就測電池狀態，決定是否需要更換。