又到咗賞紅葉嘅季節啦!每年11月至12月都係紅葉轉色嘅時候,如果想欣賞紅葉盛放嘅美景,就緊記要跟住小編精選嘅自駕好去處!啱哂大家假日同親朋好友一齊去
粉嶺流水響
流水響水塘素有港版「天空之鏡」之稱,秋冬季更可觀賞紅葉,加上流水響郊遊徑輕鬆易行,仲可以順路睇埋白千層植林!
泊車位置:鶴藪水塘停車埸
欣澳
講起欣澳,除咗迪欣湖外其實仲有個小楓香林㗎沿海濱石堤一直行,仲可以睇埋棕櫚樹以及鐵路旁嘅狼尾草同蘆葦草,或者想靜靜地坐係海邊傾偈亦得~
泊車位置:欣澳露天停車場
大埔烏蛟騰
大埔烏蛟騰可以話係隱世紅葉景點,楓香樹足足有 10 米高,加上路程平坦易行,大人同小朋友都合適!不過整段路程相對以上兩個地點會較長,記得要帶備充足食水同小食啊
泊車位置:烏蛟騰路公眾停車場
不過去邊玩都好,都緊記要愛護環境,離開時要帶走自己嘅垃圾啊